Чăваш чĕлхипе литератури  эрни  малалла пырать.  7а  класра вĕренекенсем  Ухсай  Яккăвĕн пурнăçĕпе пултарулăхĕ тăрăх,  7б классем вара -  Юхма  Мишшшпе стена  хаçачĕсем  кăларчĕç.

    Ака уйăхĕн  29-мĕшĕнче  Тĕрлемесри пĕтĕмĕшле пĕлÿ паракан вăтам шкулта  5-10-мĕш класра  вĕренекенсем хушшшинче  «Илемлĕх тĕнчи» пултарулăх конкурсĕ иртрĕ.  Зала чăваш тумĕ тăхăннă ачасем пуçтарăнчĕç. Конкурса 7а  класра вĕренекенсем  Чăваш халăх поэчĕ- Ухсай Яккăвĕ  100 çул  тултарнине халалласа «Çĕрпе пĕлĕт  юрăçи» сценарипе пуçларĕç. Ухсай Яккăвĕн  тата чăваш классикĕсен сăввисене  Фадеева Т.,  Судакова  К. (7а),   Кириллова А.(7 б), Соколов А.(8  кл.)  Арзамасова  А.(9 а), Демьянова Н..(9б), Демьянова  Е.(10б) илемлĕ вуласа пачĕç.  С.Шавлин «Вĕçкĕн Ваççа» хайлавĕпе  Соколов А. (8  кл.) паллаштарчĕ. Скворцова Я. , Петрова С. (7б)  М.Аттайăн  «Такапа Шапа» юптарăвĕ  тăрăх инсценировка лартрĕç. Куракансене  çамрăк артистсем  чăваш юрри-ташшипе савăнтарчĕç. Дмитриева М., Иванова А., Фёдорова  К. (5а)  «Пукане»,  Дмитриева Е.(5б) «Кукаçипе куками», Кириллова А.(7б) «Аннеçĕм»  юррисене пурте хапăл туса йышăнчĕç.  Конкурса чăваш  чĕлхипе литературине вĕрентекенсем – Семёнова П.А. тата  Атлашкина Т.Н. йĕркелерĕç.

    Юрă-сăвăра  чăваш халăхĕн илемлĕ сăмахлăхĕ, кĕвви, çепĕçлĕхĕ куракансене тыткăнларĕ.

   Чăваш чĕлхи - тăван чĕлхе,  ялан эс пирĕн чĕрере!