2012 çулхи  раштавăн 26-мӗшӗнче  поэт çуралнăранпа  95  çул çитет. В.И.Давыдов-Анатри-нумай  енлӗ çыравçă. Вăл поэт  та, прозаик  та, юмахçă   та, юрăçă та.  Чăваш  композиторӗсем  унăн  сăввисемпе  500 ытла  юрă çырнă. Çыравçă сăвви-юррисенче  Тăван çӗр-шыв, тăван  тавралăх, чăваш чӗлхине упрасси, халăхсен туслăхӗ, атте-аннене  хисеплесси, юрату  темисем  анлăн  курăнса тăраççӗ.

    Çак  паллă куна халалласа Тӗрлемесри  пӗтӗмӗшле пӗлÿ паракан  вăтам  шкулта   конференци  иртрӗ. Семёнова П.А. тата  Атлашкина Т.Н. – чăваш чӗлхипе литературине  вӗрентекенсем  поэт- юрăçăн пултарулăхӗпе паллаштарчӗç. Субакаева Ю., Христофорова Т., Илларионов Ю.- вӗренекенсем  çыравçă сăввисене  вырăсла та чăвашла илемлӗ  вуларӗç, викторина ыйтавесене хуравларӗç. Шкул библиотекарӗ  Белова Е.Н. В.Давыдов-Анатри  кӗнекисен куравне йӗркелерӗ.

Ачасем  çыравçă  çинчен  нумай  кăсăклине  пӗлчӗç.