Вăй илтӗмӗр çӗнӗ тӗнче тумалăх,

                  Çитетпӗр çÿллӗ ӗмӗтсем патне.

        Çапах нихçан, нихçан та манмӗ халăх

  Хăйне букварь тыттарнă çын ятне.

                  Александр Алка,Чăваш халăх поэчӗ.

    Ака уйăхӗн 25- мӗшӗнче Тӗрлемесри  пӗтӗмӗшле пӗлÿ паракан вăтам шкулта « И.Я. Яковлев – чăваш халăхне çутта кăлараканӗ» Яковлев вулавӗсем иртрӗç. Ӑна аслă Вӗрентекенӗмӗр çуралнăранпа 165 çул çитнине халалланă. Унта 1-8-мӗш класра вӗренекенсем хутшăнчӗç. И.Я.Яковлев -   чăваш халăхне çутта кăлараканӗ, чăвашсен çӗнӗ çырулăхне пуçарса яраканӗ,педагог, куçаруçă,çыравçă, тӗнчипех паллă çын. Семёнова Полина Александровна, чăваш  чӗлхипе литературине вӗрентекен, «  И.Я.Яковлев  пурнăçӗпе пултарулăхӗ» презентаципе паллаштарчӗ. Ачасем Вӗрентекенӗмӗр  çырнă« Чăваш халăхне»  халала аса илчӗç, пӗтӗмлетÿсем турӗç.