Чăваш чĕлхи эрнине малалла „Эп чăваш ачи „ КВН тăсрĕ. Ака уйăхĕн 20-мĕшĕнче Тĕрлемесри пĕтĕмĕшле пĕлÿ паракан шкулта 7-мĕш класра савăнăçлисемпе пултаруллисен конкурсĕ иртрĕ. КВН тĕллев – тăван чĕлхене юратма,  тăрăшса вĕренес туйăма хускатасси, тăван чĕлхе пуянлăхĕпе паллаштарасси. Ачасем икĕ ушкăна пайланчĕç: хĕр ачасем „Хĕвел“ тата арçын ачасем „Уйăх“ ăмăртрĕç. Малтанах вĕренекенсем хăйсемпе паллаштарчĕç. Ушкăнсем тĕрлĕ ĕç пурнăçларĕç: пĕр сас паллирен калав йĕркелерĕç, шÿтлĕ ыйтусем çине хуравларĕç, ваттисен сăмахĕсене вырнаçтарса вуларĕç, рифмăланă ыйтусене тупрĕç. Конкурсра „Хĕвел“  ушкăн (хĕрачасем) 32,5 балл пухрĕ, «Уйăх“ ушкăн (арçын ачасем) – 30,5 балл. КВНпа ачасем пурте кăмăллă юлчĕç.