Чăваш чĕлхи – тăван чĕлхе,

Эс – чун пахи, эс – чун уççи.

Чăваш чĕлхи – тăван чĕлхе,

Пин чĕлхерен чи çепĕççи!

  Ака уйăхĕн 25-мĕшĕ чăвашсемшĕн пысăк уяв. Çак кун, Чăваш чĕлхи куне паллă тăваççĕ.  Иван Яковлевич Яковлев çуралнă кунне халалласа ирттерекен уява кашни шкултах анлă паллă тăваççĕ. Тĕрлемесри пĕтĕмĕшле пĕлÿ паракан вăтам шкулти 4-мĕш класра И.А.Анилина вĕрентекенсемпе тĕрлĕ ĕçсем туса ирттерчĕ. Малтан Аслă Вĕрентекенĕмĕрĕн кун – çулĕ çинчен  презентаци пăхрĕç, унтан калавĕсем тăрăх викторина ирттерчĕç, Халал сăмахĕсене вуласа тишкерчĕç.

Ачасем Иван Яковлевич пекех тăван чĕлхене юратма сăмах пачĕç.