Чăваш сăмахĕ – пирĕн чăн çăлкуçĕ,

                                                     Шăнкăртатать вăл ĕмĕр-ĕмĕре.

                                                     Унпа кăна поэт хăйне çул уçĕ,

                                                     Унпа кăна вăл чĕрĕ тĕнчере.

                                                                                          (Петĕр Хусанкай)         

            Ака уйăхĕн 18-25-мĕшĕсенче  Тĕрлемесри пĕтĕмĕшле пĕлÿ паракан вăтам шкулта Чăваш чĕлхипе литература эрни иртет.

            Эрне «Юбиляр çыравçăсем» -стена хаçачĕсем кăларнинчен пуçланчĕ. Çак кун 5-11-мĕш класра вĕренекенсем стена хаçачĕсем кăларчĕç. Хаçатсенче юбиляр çыравçăсен пурнăçĕпе пултарулăхĕн тапхăрĕсемпе  паллашма пулать.

Кунта: Петĕр Хусанкай, Анатолий Смолин, Александра Лазарева, Александр Кăлкан, Василий Давыдов-Анатри çыравçăсене халалланă хаçатсем пулчĕç.