Ака уйăхĕн 21-мĕшĕнче Тĕрлемесри пĕтĕмĕшле пĕлÿ паракан вăтам шкулта 9-мĕш классемпе „Мĕн? Ăçта? Хăçан?“ вăйă иртрĕ. Чи малтанах класс икĕ ушкăна пайланчĕ.   Çĕнтерÿçĕ ятне илес тесе „Хĕлхем“ тата „Çулăм“ ушкăнсем кĕрешрĕç. Капитанĕсем - Субакаева Ю. тата  Христофорова Т.. Вăйăра тĕрлĕ темăпа çыхăннă ыйтусем пулчĕç. Ушкăнри кашни ача хурав пама тăрăшрĕ. Вăйă ыйтăвĕсене чи нумай тĕрĕс хурав парса „Çулăм“ ушкăн малти вырăна тухма пултарчĕ. „Хĕлхем“ ушкăна та çĕнтерÿçĕсенчен икĕ балл çеç уйăрса тăчĕ. Вăйă хаваслă та кăсăклă иртрĕ.