Чÿк уйăхĕн 23-мĕшĕнче Тĕрлемес ялĕнчи библиотекăра вырăнти вăтам шкулта 8-мĕш класра вĕренекенсем «Театр тĕп рольте“ (Театр в главной роли) темăпа библиотека диктанчĕ çырчĕç. Ăна  К.В.Иванов ячĕллĕ Ĕçлĕх Хĕрлĕ Ялав орденлĕ Чăваш патшалăх академи драма театрĕн 100 çулхи юбилейне халалланă.                                                                                                      

Л.Павлова библиотекарь чăн малтанах çутĕç акцийĕ çинчен каласа пачĕ тата диктант йĕркипе паллаштарчĕ. Диктант 11 сехетре пуçланчĕ. Унăн ыйтăвĕсене Чăваш Енĕн Наци вулавăшĕ хатĕрленĕ. Унта пурĕ 30 ыйту. Кашни тĕрĕс хуравшăн 5 балл, пĕтĕмпе 150 пухма пулать. Диктант çырма 45 минут уйăрнă.                                                                                                                 

Вĕренекенсенчен Белова К. чи пысăк балл пухрĕ. Еремеева, Зоголь, Данилова, Галиева, Никитина, Сидоркина та хастар пулчĕç, нумай ыйту çине тĕрĕс хуравларĕç. Ачасем ыйтусем кăсăклă пулнине тата çĕннине  пĕлме пулăшнине палăртрĕç.