„Кала, юлташ, мěн хаклă саншăн

                                              Хальхи пуян çак тěнчере? ”  - 

                                              Тесе ыйтсан, сывламăп ассăн,

                                              Эп калăп пат:

                                              Тăван чěлхе.

                                                                          А. Савельев - Сас

Нарăс  уйăхěн  21-мěшě - Пěтěм  тěнчери тăван чěлхе кунě. Ку уява пěрремěш хут 2000 çулта уявланă. Ăна уявласси чěлхесен тата культурăсен пуянлăхне упраса хăварас  тата аталантарас тěллевпе çыхăннă. 

Çěр çинче тěрлě халăх пурăнать, тěрлě чěлхепе калаçать. Вěсен йышне чăваш чěлхи те кěрет. Чăвашăн авалтанпах хăйěн чěлхи пулнă. Пирěн мăн асаттесем пин çул каяллах чăвашла калаçнă.

Çак паллă куна халалласа Тěрлемесри пěтěмěшле пěлÿ паракан вăтам шкулта тěрлě мероприяти иртрě. Классенче тăван чěлхе çинчен калаçрěç. Вăтам класра вěренекенсемпе „Ытарайми тăван чěлхе” викторина иртрě. Ачасем тěрлě ěçсене пурнăçларěç:  шÿтлě ыйтусем çине хуравларěç, ваттисен сăмахěсене вěçлерěç, ребус тупсăмне тупрěç, кайăк ячěсене чăвашла куçарчěç. Аслă класра вěренекенсемпе „Чăваш халăхěн мухтавлă, паллă çыннисем” викторина иртрě. Вěренекенсем сăн ÿкерчěк тăрăх паллă çынсене пěлсе  вěсемпе çыхăннă ыйтусем çине хуравларěç. 

                                            Тăван чěлхе! Эп сансăр – мěскěн, тăлăх,

                                            Эс пур чух  - манăн кăкăрта кăвар.

                                            Эс пур чухне çеç вилěмсěр ман халăх, 

                                            Ун чух ун çут пуласлăхě çук мар.

                                                                                       А. Савельев-Сас